Portuqaliyanın Kaşkai şəhərində keçirilən BMT Sivilizasiyalar Alyansının (UNAOC) X Qlobal Forumu çərçivəsində noyabrın 27-də "Dini məkanların mühafizəsi: çoxtərəfli yanaşma” adlı qlobal konfrans təşkil olunub.

Bu barədə APA-ya Mədəniyyət Nazirliyindən bildirilib.

Qeyd edilib ki, nazir Adil Kərimli konfransda çıxış edib.

Nazir konfransda təqdim olunan UNAOC-un “Dini Yerlərin Qorunması üzrə Fəaliyyət Planı: Təhlükəsiz və Dinc İbadət üçün Birlik və Həmrəylikdə” adlı hesabatını yüksək qiymətləndirib, Fəaliyyət Planının dini məkanlara qarşı dözümsüzlüklə mübarizədə ən əhatəli sənədlərdən biri olduğunu vurğulayıb.

Bildirilib ki, Azərbaycan Respublikası adıçəkilən Fəaliyyət Planında qeyd olunan mədəniyyətlərarası dialoq üzrə altı ümumdünya forumuna və dini liderlərin üç qlobal sammitinə ev sahibliyi edib. Bundan əlavə, Azərbaycan həm yerli, həm də beynəlxalq miqyasda mədəni və dini irsin qorunmasına öz töhfəsini verir.

Qeyd edək ki, "Sülhdə birlik: etimadın bərpası, gələcəyin yenidən formalaşdırılması" mövzusunda keçirilən X Qlobal Forum Sivilizasiyalar Alyansının yaranmasının 20 illiyinə həsr olunub.

Oxşar xəbərlər

Adil Kərimi Sivilizasiyalar Alyansı Nazir Dostlar Qrupunun Yüksək Səviyyəli Görüşündə çıxış edib

BMT-də “VI Ümumdünya Mədəniyyətlərarası Dialoq Forumu” üzrə brifinq keçirilib

Dini Liderlərin Qlobal Sammitinin ikinci günü başlayıb

TDT-nin rəsmisi: Dini Liderlərin Qlobal Sammitindən yola çıxaraq yeni platforma yaratmağı planlaşdırırıq

Almaniya Müsəlmanları Mərkəzi Şurasının sədri: Dini Liderlərin Qlobal Sammiti dəstəyə layiq platformadır