Fikrət Əmirov adına Gəncə Dövlət Filarmoniyasında 18 sentyabr - Milli Musiqi Günü münasibətilə "Musiqinin gücü" layihəsi çərçivəsində konsert proqramı keçirilib.

Gəncə Dövlət Filarmoniyasından Sizinxeber.az-ya verilən məlumata görə, filarmoniyanın Xalq Çalğı Alətləri Orkestri və Kamera Orkestrinin müşayiəti ilə təşkil edilmiş konsertdə Üzeyir Hacıbəylinin “Koroğlu” operasından “Uvertüra”, "Cəngi", "Arazbari", "Leyli və Məcnun" operasından "Müqəddimə" səsləndirilib.

Bildirilib ki, Əməkdar artist Kəmalə Tağızadə, Əməkdar mədəniyyət işçisi Mehparə Cəfərova, solistlər Rüstəm Cəfərov, Elmir Pişnamazzadə, bəstəkarın "Sənsiz", "Sevgili canan" romanslarını, Müslüm Maqomayevin “Nərgiz” operasından “Nərgizin mahnısı”nı, Fikrət Əmirovun "Azərbaycan elləri", Niyazinin "Vətən nəğməsi", Süleyman Ələsgərovun "Neylərəm" əsərlərini ifa ediblər.

Filarmoniyanın qarşısında keçirilən konsert tamaşaçılar tərəfindən böyük rəğbətlə qarşılanıb.

Oxşar xəbərlər

Gəncə Filarmoniyasında Arif Məlikovun mahnılarından ibarət konsert olub

Gəncə Dövlət Filarmoniyasında Səid Rüstəmovun mahnılarından ibarət konsert olacaq

Gəncədə "Nizami klassik musiqidə" adlı gecə təşkil olunub

Gəncə Dövlət Filarmoniyası "Musiqinin gücü" layihəsini təqdim edəcək - VİDEO