Azərbaycan teatr səhnəsinə ömrünü həsr edən, milli sənətimizi dünyaya tanıdan görkəmli rejissor Oruc Qurbanovun qiymətləndirilməməsi ictimaiyyətdə böyük təəssüf hissi doğurur. Onilliklər ərzində incəsənətə verdiyi töhfələrlə yaddaşlarda iz buraxan Qurbanov, sənət yolunda yorulmaz əməyi və yenilikçi baxışları ilə milli mədəniyyətimizə təkan verib. Lakin, təəssüf ki, bu gün Azərbaycan Mədəniyyət Nazirliyi onun əvəzsiz xidmətlərinə layiqincə dəyər vermədi

İzzət Qurbanov  Oruc Qurbanova qarşı haqsızlığın səbəbini bilmədiyini vurğulayıb:

Səhnədə qurduğu möhtəşəm tamaşaları, öz dəsti-xətti və üslubu ilə yadda qalan Qurbanov, gənc rejissorlar üçün örnək olub, teatr aləmində yeni nəfəs gətirib. Lakin ustad sənətkar bu gün layiq olduğu diqqətdən kənarda saxlanılır. Vaxtıykən dəfələrlə onun əməyinə diqqət yetirilməsi üçün səslərimizi  ucaltsaq da, Mədəniyyət Nazirliyi tərəfindən bu çağırışlara cavab verilməyib.

Oruc Qurbanovun ömür boyu teatr səhnəsində göstərdiyi fədakar əməyin Mədəniyyət Nazirliyi tərəfindən qiymətləndirilməməsi həm sənət, həm də gələcək nəsillər üçün böyük bir haqsızlıqdır. Onun ruhunu yaşatmaq, əsərlərini qorumaq, sənətini layiqincə dəyərləndirmək bu gün mədəniyyətimizin gələcəyi üçün zəruridir.Əminəm ki, Heydər Əliyev yaşasaydı bucür haqsızlıq olmazdı!

Atam son günlərini yaşayırdı. Gecənin birində dedi ki, mənim paltarımı geyindirin. "Prokuror” tamaşasında geyinəcəyi paltarını geyindirdik. Səhərə kimi tamaşanın məşqlərini elədi. Elə onunla da gözlərini yumdu”.

Qeyd edək ki, Lənkəran Dövlət Dram Teatrının baş rejissoru Oruc Qurbanov 2022-ci ildə 73 yaşında vəfat edib.

Oxşar xəbərlər

Bu gün Xalq artisti Siyavuş Aslanın doğum günüdür