Avstraliya Fermerlər üçün Bakı Harmoniya İqlim Təşəbbüsünü alqışlayır.

"Sizinxeber.az" xəbər verir ki, bunu Avstraliyanın Azərbaycandakı səfiri Mayls Robert COP29 çərçivəsində təşkil edilmiş “COP-dan COP-a aqrar-qida irsləri: qlobal iqlim məqsədlərinə nail olmağın açarı” mövzusunda panel müzakirələrdə bildirib.

Onun sözlərinə görə, quraqlıqları və daşqınlar cəmiyyətə təsir edə bilər: "İqlim daha dəyişkən və gözlənilməz hala gəldikdə, çətin vaxtlarda icmalara kömək etmək yalnız faydalı ola bilər. Davamlılığı tətbiq etməyin bir yolu yoxdur, lakin təcrübə və bilikləri bölüşməklə fermerlər və hökumətlər dəyişən iqlimə uyğunlaşmaq üçün lazımi vasitələrə sahib ola bilərlər".

Səfir bildirib ki, Avstraliya bir sıra beynəlxalq iqlim təşəbbüslərini, o cümlədən İqlim üzrə Kənd Təsərrüfatı İnnovasiya Missiyasını, Quraqlığa Dayanıqlılıq üzrə Beynəlxalq Alyansı, Kənd Təsərrüfatında Sıxıntılı Gündəmi, Qlobal Metan Vədini, Meşələr və İqlim Liderləri Tərəfdaşlığını imzalayıb: "Bu təşəbbüslər Avstraliyaya diqqətini iqlim ambisiyalarımızı artırmağa və praktik həllər tapmağa kömək edən konkret fəaliyyətlərə yönəltməyə kömək edir. Ancaq etiraf etmək vacibdir ki, bunu edərkən daha yaxşı siyasət üçün fermerlərlə işləməliyik. Avstraliyalı fermerlər də müstəqil və fəal şəkildə torpaq idarəçiliyi təcrübələrini, torpağın sağlamlığını və biomüxtəlifliyi təkmilləşdirmək üçün innovativ yollar tapır, onların əkinçilik təcrübələrinə və torpaq idarəçiliyinə sistemli yanaşmaslnı nəzərdən keçirirlər".

Oxşar xəbərlər

Nazir müavini: "Bakı Harmoniya İqlim Təşəbbüsü qlobal əməkdaşlığa təkan verir"

"Fermerlər üçün Bakı Harmoniya İqlim Təşəbbüsü"nün məqsədi açıqlanıb

Nazir: "COP29-da iqlimə uyğun kənd təsərrüfatı mövzusuna xüsusi toxunulacaq"

Bakıda “COP-dan COP-a aqrar-qida irsləri" mövzusunda panel müzakirələr keçirilib

Nazir: "Bakı Harmoniya İqlim Təşəbbüsü kənd təsərrüfatı, qida və su təşəbbüslərini birləşdirəcək"