Azərbaycan İraqdakı səfiri Nəsir Məmmədov İraq Kürdüstanı regionunun Baş naziri Məsrur Bərzanini COP29-a dəvət edib.

“Report” xəbər verir ki, bu barədə region hökumətinin mətbuat xidməti bildirib.

“9 sentyabr 2024-cü il, bazar ertəsi Kürdüstan Regional Hökumətinin (KRH) Baş naziri Məsrur Bərzani Azərbaycan Respublikasının İraqdakı səfiri Nəsir Məmmədov ilə görüşüb. Görüş zamanı səfir Məmmədov Baş nazir Bərzaniyə 2024-cü ilin sonunda Bakıda keçiriləcək Birləşmiş Millətlər Təşkilatı (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iştirak etmək üçün rəsmi dəvət göndərib”, – məlumatda qeyd olunub.

Bildirilib ki, görüşdə “ikitərəfli münasibətlərin gücləndirilməsinə də diqqət yetirilib, hər iki tərəf Azərbaycan və Kürdüstan regionu arasında daha sıx əməkdaşlığı asanlaşdırmaq üçün konsulluq xidmətlərinin yaradılmasının vacibliyini vurğulayıb”.

“Baş nazir Bərzani genişlənmiş diplomatik və iqtisadi əlaqələrin qarşılıqlı faydalarını vurğulayaraq Azərbaycanla daha güclü tərəfdaşlığın təşviqinə sadiqliyini ifadə edib”, – mətbuat xidməti nəql edib.

Oxşar xəbərlər

İraq Kürdüstan Regionunun başçısı Neçirvan Bərzani COP29-a dəvət edilib [xfgiven_updateblue][/xfgiven_updateblue]

İraq Kürdüstan Regionunun rəsmi şəxsləri COP29-a dəvət edilib [xfgiven_updateblue][/xfgiven_updateblue]

İraq Kürdüstan Regionunun rəsmi şəxsləri COP29-a dəvət edilib - FOTO [xfgiven_updateblue][/xfgiven_updateblue]

Azərbaycan səfiri İraq Prezidenti ilə görüşüb [xfgiven_updateblue][/xfgiven_updateblue]

Meksika COP29-da iştirak edəcək [xfgiven_updateblue][/xfgiven_updateblue]