Azərbaycan və Rusiya arasında kənd təsərrüfatı məhsullarının təchizatının artırılması müzakirə olunub.

"Sizinxeber.az" bu barədə Nazirlər Kabinetinə istinadən xəbər verir.

Məlumata görə, bu gün Baş nazirin müavini Şahin Mustafayev Rusiyanın kənd təsərrüfatı naziri Oksana Lut ilə görüşüb.

Görüşdə dövlət başçılarının birgə səyləri nəticəsində iki ölkə arasında ikitərəfli əlaqələrin siyasi, ticarət-iqtisadi, energetika, nəqliyyat-tranzit, humanitar və bir çox digər sahələrdə yüksək inkişaf dinamikası nümayiş etdirdiyi bildirilib. Vurğulanıb ki, iki ölkə arasında iqtisadiyyatın bütün istiqamətlərində olduğu kimi, kənd təsərrüfatı sahəsində də əməkdaşlıq yüksələn xətlə inkişaf edir.

Azərbaycanın Rusiyaya kənd təsərrüfatı məhsullarının əsas tədarükçülərindən biri olduğu qeyd edilib. Kənd təsərrüfatı məhsullarının təchizatının artırılması ilə bağlı qarşılıqlı maraq ifadə olunub.

Görüşdə iki ölkə arasında aqrar-sənaye kompleksinin müxtəlif istiqamətlərində əməkdaşlığın genişləndirilməsi, həmçinin qarşılıqlı maraq doğuran digər məsələlər müzakirə olunub.

Oxşar xəbərlər

Şahin Mustafayev Rusiyanın kənd təsərrüfatı naziri ilə görüşüb

Azərbaycan və Qazaxıstan aqrar məhsulların birgə ixracını müzakirə edəcək

Azərbaycan kənd təsərrüfatı məhsullarının Braziliyaya ixracını genişləndirə bilər

Nazir: “Azərbaycan Belarusun aqrar şəhərciklərin salınması təcrübəsinə maraq göstərir”

Azərbaycan Özbəkistanla aqrar məhsulların dövriyyəsini artırmağı müzakirə edib