Azərbaycanın BMT yanında daimi nümayəndəsi Tofiq Musayev zimbabveli həmkarı Taonqa Muşayavanhu ilə əməkdaşlığın gücləndirilməsini müzakirə edib.

“Sizinxeber.az” xəbər verir ki, bu barədə Afrika ölkəsinin dünya təşkilatındakı daimi nümayəndəliyinin mətbuat xidməti məlumat yayıb.

“Azərbaycanın Birləşmiş Millətlər Təşkilatı yanında daimi nümayəndəsi səfir Tofiq F. Musayev Zimbabvenin Birləşmiş Millətlər Təşkilatı yanında daimi nümayəndəsi səfir Taonqa Muşayavanhuya nəzakət ziyarəti edib”, – daimi nümayəndəliyin sosial şəbəkə hesabında bildirilib.

Qeyd olunub ki, diplomatlar dünya təşkilatı sistemində “xüsusilə Qoşulmama Hərəkatı və G77-nin üzvləri kimi əməkdaşlığın gücləndirilməsi barədə fikir mübadiləsi aparıblar”.

“Səfir Muşayavanhu Azərbaycanı Qoşulmama Hərəkatına bacarıqlı liderliyinə görə təqdir edib. Zimbabvenin Təhlükəsizlik Şurasında qeyri-daimi üzv olmaq istəməsi fonunda onlar bir-birinin namizədliyinə qarşılıqlı dəstək verəcəklərinə söz veriblər”, – məlumatda vurğulanıb.

Oxşar xəbərlər

Azərbaycanın BMT-dəki daimi nümayəndəsi türkiyəli həmkarı ilə görüşüb

Azərbaycanın BMT-dəki daimi nümayəndəsi QH-nin nazirlər görüşünü uqandalı həmkarı ilə müzakirə edib

BMT-dəki daimi nümayəndə UNICEF-in regional direktoru ilə uşaqların müdafiəsini müzakirə edib

Azərbaycanla BMT arasında iqlim dəyişikliyinin təsirləri müzakirə edilib

Azərbaycanın daimi nümayəndəsi İƏT-in Baş katibi ilə əməkdaşlıq perspektivlərini müzakirə edib