ABŞ gürcü hərbçilərin Əfqanıstan və İraqdakı missiyalarda iştirakı sayəsində 2,5 milyard dollar qənaət edib.

"Sizinxeber.az"un məlumatına görə, bunu Gürcüstanın Baş naziri İrakli Kobaxidze yerli "İmedi" telekanalına müsahibəsində deyib.

"Amerika tərəfi bizim Əfqanıstan və İraqdakı missiyalarda iştirakımız sayəsində 2,5 milyard dollar qənaət edib. Eyni zamanda ABŞ büdcəsindən ölkəmizə real yardım 2,5 milyard dollardan çox azdır", - Kobaxidze bildirib.

Gürcüstan hökumətinin başçısı vurğulayıb ki, o, ABŞ-nin Beynəlxalq İnkişaf Agentliyi (USAID) və Demokratiyaya Dəstək Milli Fondunun xətti ilə Gürcüstana yardım adı altında ayrılan pulları nəzərdə tutmur. Baş nazirin sözlərinə görə, bu təşkilatlar vasitəsilə ayrılan pullar ölkədəki iğtişaşlara xərclənib.

Bundan əlavə, hökumət başçısının sözlərinə görə, Gürcüstan hərbi tapşırıqları yerinə yetirərkən 32 hərbi qulluqçusunu itirib.

“Bizim ABŞ Prezidenti Donald Trampın administrasiyası qarşısında qoyduğumuz yeganə tələb ədalətdir”, - Kobaxidze fikirlərini yekunlaşdırıb.

Oxşar xəbərlər

Kobaxidzedən Trampa məktub: Baydenin cinayət xarakterli qərarlarını hələ də ləğv etməmisiniz

İrakli Kobaxidze Gürcüstana verdiyi dəstəyə görə İlham Əliyevə təşəkkür edib

Kobaxidze: ABŞ-nin dondurulmuş xarici yardımı digər ölkələrdə inqilablar üçün istifadə edilib

İrakli Kobaxidze: Rusiyanın Gürcüstana təsiri yoxdur

İrakli Kobaxidze: ABŞ ilə strateji tərəfdaşlığı bərpa etməyə tam açığıq