Prezident Donald Tramp administrasiyasının 90 gün müddətinə dayandırdığı ABŞ-nin xarici yardımı, digər ölkələrdə, o cümlədən Gürcüstanda inqilablara və iğtişaşlara sərf olunurdu.

“Report” xəbər verir ki, bunu Gürcüstanın “İmedi” telekanalında Gürcüstanın Baş naziri İrakli Kobaxidze deyib.

“Amerika Birləşmiş Ştatlarının indiki administrasiyası birbaşa təsdiqlədi ki, ölkənin vergi ödəyicilərinin pulları başqa ölkələrdə, o cümlədən Gürcüstanda inqilablara, iğtişaşlara və dəhşətli ssenarilərin hazırlanmasına xərclənib”- deyə, o qeyd edib.

Gürcüstan hökumətinin başçısı qeyd edib ki, rəsmi Tbilisi Tramp administrasiyasının hadisələri düzgün dəyərləndirməsindən şaddır və xarici yardımın ayrılmasının 90 gün deyil, daha uzun müddətə dondurulacağına ümid etdiyini bildirib.

Oxşar xəbərlər

İrakli Kobaxidze: Trampın xarici yardım proqramlarını dayandırmaq qərarını alqışlayırıq

İrakli Kobaxidze: Gürcüstan Azərbaycanla ticarəti genişləndirməyə hazırdır

Kobaxidze: Gürcüstanda QHT-lər xarici donorlardan aldıqları maliyyədən iki dəfə çox vəsait alacaqlar

İrakli Kobaxidze İlham Əliyevlə görüşə gəlib

Macarıstan Baş naziri Tbilisidə səfərdədir