Baltikyanı ölkələr Gürcüstanın suveren siyasət yürütməsini qəbul etmir və ondan Rusiyaya qarşı açıq mövqe nümayiş etdirməyi tələb edirlər.

“Report”un yerli bürosu xəbər verir ki, bunu Gürcüstan parlamentinin sədri Şalva Papuaşvili bildirib.

Spiker Baltikyanı ölkələrin Gürcüstana qarşı sanksiyalarını tənqid edb. O, Estoniya, Latviya və Litvanın rəsmi şəxslərə qarşı sanksiyalar tətbiq etməsini “əsassız” adlandırıb və bunun Gürcüstan hökumətinə təzyiq məqsədi daşıdığını bildirib.

Ş.Papuaşvili qeyd edib ki, Gürcüstanın NATO və beynəlxalq təhlükəsizlik məsələlərinə verdiyi töhfə Baltikyanı ölkələrdən qat-qat çox olub, lakin buna baxmayaraq, rəsmi Tbilisi haqsız tənqidlərə məruz qalır.

"Həqiqi dostluq qarşılıqsız olur, amma Baltikyanı ölkələr hesablanmış dostluq nümayiş etdirir”,- parlament sədri vurğulayıb.

Ş.Papuaşvili əlavə edib ki, Gürcüstanın stabilliyini və sülh siyasətini dəstəkləmək əvəzinə, bəzi Qərb ölkələri hökumətə təzyiq göstərmək üçün demokratiya məsələsini bəhanə kimi istifadə edir.

Oxşar xəbərlər

Gürcü spiker Baltikyanı ölkələrin XİN başçılarının bəyanatına cavab verib

Gürcüstan parlamentinin sədri: Biz ABŞ-nin ştatı deyilik

Şalva Papuaşvili: Avropa Gürcüstandan Rusiyaya sanksiyalar tətbiq etməyi tələb edib

Şalva Papuaşvili: Avropanın Rusiyaya qarşı sanksiyalar tətbiq etmək çağırışı “utancverici və iyrənc”dir

Şalva Papuaşvili: ABŞ-də olanlar Gürcüstanın daxili siyasətinə müdaxilənin təzahürüdür