Gürcüstan ABŞ-la münasibətləri keyfiyyətcə bərpa etmək və strateji tərəfdaşlığı təmiz səhifədən başlamaq istəyir.

“Report”un məlumatına görə, bunu Gürcüstanın Baş naziri İrakli Kobaxidze deyib.

İ.Kobaxidze ümidvar olduğunu bildirib ki, Tramp ABŞ-də olan “dərin dövlət”lə mübarizədə qələbə qazanacaq və bu, dünyada, regionda sülhün təmin olunmasına, düzgün və sağlam dəyərlərin yayılmasına kömək edəcək.

“Gürcü Arzusu” fraksiyasının sədri və partiyanın icra katibi Mamuka Mdinaradze Bayden administrasiyasını həm ABŞ, həm də Gürcüstan üçün ən zərərli administrasiya kimi qiymətləndirib:

“Əgər o, “dərin dövlət”i məğlub edə bilsə, Gürcüstanın tərəfdaşları ilə əlaqələri bərpa etməsi və əməkdaşlığını yenidən gücləndirməsi xeyli asanlaşacaq”.

Gürcüstan parlamentinin hüquq məsələləri komitəsinin sədrinin birinci müavini Tornike Çeişvili isə hesab edir ki, ABŞ-nin 47-ci prezidentinin andiçmə mərasimindən sonra dünya siyasətində yeni bir dövr başlayır:

“Bu dövrün sülhə qovuşacağına dair bir çox optimist proqnozlar mövcuddur”.

Oxşar xəbərlər

Mamuka Mdinaradze: ABŞ sanksiyaları Gürcüstanda parlament seçkilərinə müdaxilədir

İrakli Kobaxidzenin Gürcüstanın Baş nazir vəzifəsinə namizədliyi parlamentə təqdim edilib

Gürcüstan parlamentində tək bir fraksiya - “Gürcü Arzusu” yaradılıb

İrakli Kobaxidze “Gürcü Arzusu”nun yaradıcısına qarşı sanksiyaları pisləyib

Kobaxidze: Aİ-yə üzvlüklə bağlı danışıqlara başlamaq Gürcüstan üçün vacib deyil