Gürcüstanın iqtisadiyyat və davamlı inkişaf naziri Levan Davitaşvili Çin Xalq Bankının rəhbəri Pan Qunşenlə iki ölkə arasında maliyyə əməkdaşlığı məsələlərini müzakirə edib.

“Report” xəbər verir ki, bu barədə Gürcüstan KİV məlumat yayıb.

Məlumata görə, görüşdə əsas müzakirə mövzuları maliyyə sektorunda əməkdaşlığın gücləndirilməsi və təcrübə mübadiləsi, pul siyasəti məsələləri, ödəniş xidmətləri sahəsində ikitərəfli və regional əməkdaşlıq, Gürcüstan Milli Bankı ilə Çin Xalq Bankı arasında anlaşma memorandumunun imzalanması, eləcə də qiymətli kağızlara investisiya qoyuluşu olub.

Qeyd edək ki, bu gün qurumun rəhbəri Davitaşvili Çin Beynəlxalq Xidmətlər Ticarət Sərgisində (CIFTIS) iştirak edib. Çıxışı zamanı o, Çinlə xidmət ticarəti sahəsində, o cümlədən “Bir Kəmər və Yol Təşəbbüsü” çərçivəsində əməkdaşlığın vacibliyini vurğulayıb.

“Azad ticarət sazişi Gürcüstan və Çin arasında artan strateji tərəfdaşlığın sübutudur və biz bu əməkdaşlığı gələcəkdə daha da dərinləşdirməyi planlaşdırırıq”, – o vurğulayıb.

Oxşar xəbərlər

Gürcüstan parlamentinin komitə sədri: İrəvanla Bakı arasında normallaşma prosesinə töhfə verməyə hazırıq

Gürcüstan parlamenti baş nazirin namizədliyini və hökumətin tərkibini müzakirə edəcək

Müvəqqəti işlər vəkili: "Çin-Azərbaycan iqtisadi göstəriciləri rekord həddə çatıb"

"Xəzər-Qara dəniz-Avropa" Yaşıl Enerji Dəhlizi üzrə birgə müəssisənin yaradılması üçün tender keçiriləcək

Çin ərəb ölkələri ilə əməkdaşlığı gücləndirmək niyyətindədir