Rusiyanın Səhiyyə Nazirliyi ölkənin Ukrayna ilə sərhədyanı regionu olan Kursk vilayətinin atəşə tutulması nəticəsində avqustun 6-dan bəri 66 nəfərin zərər çəkdiyini, onlardan doqquz nəfərin uşaq olduğunu açıqlayıb.

“Sizinxeber.az” RBC-ya istinadən xəbər verir ki, bu barədə ölkənin Səhiyyə Nazirliyinin məlumatında diqqətə çatdırılıb.

Bildirilib ki, Kursk vilayətinin tibbi müəssisələrinə 38 nəfər yerləşdirilib ki, onlardan beşi uşaqdır. İkisi uşaq olmaqla 19 zərərçəkmişə ambulator yardım göstərilib.

Səhiyyə Nazirliyi vurğulayıb ki, “tibbi təşkilatlarda lazımi həcmdə dərmanlar, qan və onun komponentləri mövcuddur”.

Xatırladaq ki, avqustun 6-da Ukrayna Silahlı Qüvvələri Rusiyanın sərhəddəki müdafiə xəttini yararaq Kursk vilayətinə soxulub və bir neçə kəndi ələ keçirib. İndiyədək davam edən döyüşlərdə Rusiya ordusu qarşı tərəfi geriyə ata bilməyib. Bölgədə döyüş əməliyyatları zonasının 400 kvadrat kilometrdən artıq olduğu bildirilir.

Oxşar xəbərlər

Zelenski: Rusiya ölkəmizə müharibə gətirib, indi isə nə etdiyini hiss etməlidir

Gerasimov: Kursk vilayətinə hücumlar zamanı Ukrayna 300 nəfərdən çox itki verib

Belqorod vilayətinin atəşə tutulması nəticəsində 5 nəfər yaralanıb

KİV: Ukrayna ordusu Rusiyanın Kursk vilayətinə girib, bir neçə kəndi nəzarətə götürüb

Rusiya MN: Ukrayna Kursk vilayətinə 11 tank və 300 hərbçi ilə hücum edib