Bundan sonra Hörmüz boğazından gəmilərin hərəkətinə yalnız İranın icazəsi və nəzarəti altında icazə veriləcək.

"Sizinxeber.az" İranın Dövlət Televiziyası IRIB-ə istinadən xəbər verir ki, bu barədə İslam İnqilabı Keşikçiləri Korpusunun (SEPAH) Hərbi Dəniz Qüvvələri Komandanlığının bəyanatında bildirilib.

Məlumata görə, yalnız İrandan əvvəlcədən icazə almış mülki gəmilərin Hörmüz boğazından keçməsinə razılıq veriləcək.

"Bu tədbirlər atəşkəs müqaviləsi və Livanda atəşkəs müqaviləsinin qüvvəyə minməsi çərçivəsində görülür", - məlumatda deyilir.

Xatırladaq ki, 2026-cı il fevralın 28-də ABŞ və İsrail İrana qarşı hərbi əməliyyata başlayaraq, bir neçə şəhərə hava hücumları həyata keçiriblər. Elə həmin gün İranın Ali lideri Əli Xamenei zərbələr nəticəsində öldürülüb. Buna cavab olaraq İran İsrailə raket zərbələri endirib və Fars körfəzindəki Amerika hərbi bazalarına hücum edib.

İran, ABŞ və onların müttəfiqləri aprelin 8-ə keçən gecə iki həftəlik atəşkəs barədə razılığa gəliblər.

Aprelin 11-12-də Pakistanın vasitəçiliyi ilə İslamabadda İran və ABŞ arasında nəticəsiz başa çatan danışıqlar aparılıb.

Aprelin 15-də ABŞ Prezidenti Donald Tramp İran limanlarının dəniz blokadasını davam etdirməsinə baxmayaraq, Hörmüz boğazının gəmiçilik üçün açıldığını elan edib. Bu addım Çinlə münasibətləri qorumaq üçün atılıb.

Oxşar xəbərlər

İran SELEN konteyner gəmisini Hörmüz boğazına yerləşdirib

SEPAH mina təhlükəsinə görə Hörmüz boğazından keçid üçün yeni qaydalar tətbiq edib

İran Hörmüz boğazından ABŞ və İsraillə əlaqəli gəmilərin keçidini tam qadağan edib

Əli Musəvi: Hörmüz boğazında gəmilərin hərəkəti İranla koordinasiya olunmalıdır

SEPAH İsrailə və ABŞ-nin Yaxın Şərqdəki bazalarına növbəti hücum dalğası başladıb