Əgər İranın infrastrukturuna hücum edilsə, regiondakı enerji və yanacaq infrastrukturu obyektləri Tehranın hədəfinə çevriləcək.

"Sizinxeber.az" xəbər verir ki, bu barədə İran Parlamentinin sədri Məhəmməd Bağır Qalibaf "X" sosial şəbəkəsində bildirib.

"Ölkəmizin elektrik stansiyalarına və infrastrukturuna zərbələrdən dərhal sonra bölgədəki vacib enerji və yanacaq infrastrukturu obyektləri qanuni hədəflər hesab ediləcək", - o yazıb.

Xatırladaq ki, ABŞ və İsrail fevralın 28-də İrana qarşı hərbi əməliyyata başlayıb, bunun nəticəsində İranın ali lideri ayətullah Əli Xamenei və bir sıra yüksək vəzifəli şəxslər ölüb. Buna cavab olaraq İran İsrailə, eləcə də ABŞ və onun müttəfiqlərinin hərbi bazalarının yerləşdiyi ölkələrdəki - Səudiyyə Ərəbistanı, Qətər, BƏƏ, Oman, Bəhreyn, İraq və Kiprdəki obyektlərə zərbələr endirir.

Oxşar xəbərlər

İran Hayfada NEZ-ə və elektrik stansiyasına hücum edib

Oman İranı Fars körfəzi ölkələrinin obyektlərinə hücumlarına görə qınayıb

İsrail İranın Hayfadakı NEZ-ə zərbələrini təsdiqləyib – YENİLƏNİB

SEPAH ABŞ-nin İraqdakı bazasına zərbə endirildiyini bəyan edib

İran Ben-Qurion hava limanındakı yanacaq çənlərinə və hərbi infrastruktura hücum edib