Qazaxıstanda yeni Konstitusiya layihəsi üzrə referendumun ilkin nəticələri açıqlanıb.

"Report"un Qazaxıstan bürosu ölkənin Mərkəzi Referendum Komissiyasına istinadən xəbər verir ki, səsvermədə ölkədə və xaricdə yaşayan 9 127 192 vətəndaş iştirak edib ki, bu da ümumi seçici sayının 73,12 %-ni təşkil edir.

Komissiyanın məlumatına görə, 7 954 667 nəfər və ya səsverənlərin 87,15 %-i yeni Konstitusiya layihəsinin qəbul edilməsini dəstəkləyib.

Beləliklə, referendum baş tutmuş hesab olunur, çünki səsvermədə referendumda iştirak etmək hüququna malik vətəndaşların yarıdan çoxu iştirak edib. 898 099 vətəndaş layihənin "əleyhinə" səs verib. 146 558 bülleten etibarsız sayılıb. Ölkə qanunvericiliyinə uyğun olaraq, Mərkəzi Referendum Komissiyası səsvermənin yekun nəticələrini səsvermənin keçirildiyi gündən etibarən 7 gündən gec olmayaraq elan etməlidir.

Oxşar xəbərlər

Qazaxıstanda AES-in inşası bağlı ilə bağlı referendumun yekun nəticələri açıqlanıb

Qazaxıstanda referendumda iştirak 37,54 faiz təşkil edib - YENİLƏNİB

Qazaxıstanda referendumda iştirak 64,43 faiz təşkil edib – YENİLƏNİB-2

Qazaxıstanda referendumda seçici fəallığı 70 faizi üstələyib - YENİLƏNİB-3