Rusiya Prezidenti Vladimir Putin amerikalı həmkarı Donald Trampla avqustun 15-də Ankoricdə (Alyaska) baş tutan sammitdən sonra iclas keçirib.

“Report” TASS-a istinadən xəbər verir ki, görüş zamanı Putin Ukraynadakı müharibənin dayandırılması ilə bağlı əsas tələbləri irəli sürüb.

Qeyd edilir ki, Trampla danışıqlar zamanı Rusiyanın Ukraynadakı vəziyyətlə bağlı mövqeyini sakit və təfərrüatlı şəkildə ifadə etmək imkanı olub.

Putinin sözlərinə görə, Rusiya Ukraynada hərbi əməliyyatların tez bir zamanda dayandırılmasını istəyir. Trampla danışıqlar zamanı tərəflər əməkdaşlığın demək olar ki, bütün sahələrini müzakirə ediblər.

“Söhbət çox səmimi, mənalı keçdi və fikrimcə, bu, bizi lazımi qərarlara yaxınlaşdırır”, - Putin bildirib.

Oxşar xəbərlər

Ağ Ev: Trampla Putin Ukraynada sülhün əldə olunmasında Rusiyanın mövqeyini yaxşı anlamaq üçün görüşəcəklər

Putin Şimali Koreya lideri ilə Trampla gözlənilən danışıqları müzakirə edib

Putin Rusiya tarixində ilk dəfə Trampla görüşmək üçün Alyaskaya səfər edir

Putin Alyaska səfərini çox faydalı adlandırıb

Putin Trampla görüş üçün Alyaskaya yola düşüb