Ermənistanın Baş naziri Nikol Paşinyan Fransa Prezidenti Emmanuel Makronla telefon danışığı aparıb.

Bu barədə “Report” Ermənistan Baş nazirinin mətbuat xidmətinə istinadən məlumat verir.

N.Paşinyan Prezident Makronu avqustun 8-də Vaşinqtonda Azərbaycan Prezidenti İlham Əliyev və ABŞ Prezidenti Donald Trampla görüşünün nəticələri barədə məlumatlandırıb.

"Baş nazir Fransa Prezidentinə avqustun 8-də Vaşinqtonda aparılmış danışıqların nəticələri, xüsusilə “Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis olunması haqqında Saziş”in paraflanması, ATƏT-in Minsk qrupunun mexanizmlərinin buraxılması ilə bağlı ATƏT-ə birgə müraciət, ölkələrin ərazi bütövlüyü, suverenliyi və yurisdiksiyası prinsipləri çərçivəsində regional kommunikasiyaların açılması, eləcə də Beynəlxalq Sülh və Rifah naminə Tramp Marşrutu (TRIPP) layihəsi barədə məlumat verib", - məlumatda deyilir.

Telefon danışığı zamanı N.Paşinyan vurğulayıb ki, bərqərar olmuş sülh təkcə Ermənistan üçün deyil, bütün Cənubi Qafqaz regionu üçün yeni investisiya imkanları açır.

Oxşar xəbərlər

Paşinyan və Pezeşkian arasında telefon danışığı olub

Paşinyan Putini Vaşinqtonda keçirilən görüşün nəticələri barədə məlumatlandırıb

Fransa Azərbaycan və Ermənistanın ATƏT-in Minsk Qrupunun buraxılması ilə bağlı birgə müraciətini dəstəkləyir

Paşinyan İran Prezidenti ilə Vaşinqtonda əldə olunan razılaşmaları müzakirə edib

Nikol Paşinyan: Ermənistan və Azərbaycan Vaşinqtonda sənədlər imzalayaraq artıq sülh qurublar