İyulun 25-də itkin düşən Hava Hücumundan Müdafiə Qüvvələrinə məxsus EC-145 helikopterinin göyərtəsində olanların hamısının yerini müəyyənləşdirmək üçün Sorbulak su anbarı ərazisində genişmiqyaslı axtarış-xilasetmə əməliyyatı davam etdirilir.

“Report” xəbər verir ki, bu barədə Qazaxıstan Müdafiə Nazirliyi məlumat yayıb.

İdarədən bildirilib ki, işlər intensiv və gecə-gündüz aparılır. Əməliyyatda 400-ə yaxın insan, 70-dən çox yerüstü texnika, 21 su gəmisi, 10 PUA, əks-səda aparatları, sualtı skaner avadanlığı, həmçinin kinoloji qruplar iştirak edir.

Müdafiə Nazirliyindən verilən məlumata görə, axtarışlar çətin şəraitdə aparılır: mürəkkəb sualtı relyef, lil və palçığın çoxluğu görüntü qabiliyyətini sıfır edir.

Axtarış-xilasetmə əməliyyatları yekun nəticələr əldə olunana qədər davam edəcək.

Xatırladaq ki, Almatı vilayətində Qazaxıstan Silahlı Qüvvələrinin Hava Hücumundan Müdafiə Qüvvələrinə məxsus EC-145 tipli helikopteri planlı uçuş zamanı radarlardan itib. Üç ekipaj üzvü ilə Luqovoydan havaya qalxan helikopterlə Otar ərazisində əlaqə itib.

Oxşar xəbərlər

İran hava hücumundan müdafiə sistemlərini yeniləyib

KİV: İranın yeddi vilayətində hava hücumundan müdafiə sistemi intensiv şəkildə işləyir

Qazaxıstanda hərbi helikopter radarlardan itib

Qazaxıstan Prezidenti müdafiə və nəqliyyat nazirlərini vəzifədən azad edib

İsrail HƏMAS-ın HHM qüvvələrinin başçısının öldürüldüyünü açıqlayıb