Dağıstanın dövlət katibi saxlanılıb - YENİLƏNİB-2

Qanunsuz özəlləşdirmə ilə bağlı cinayət işinin araşdırılması çərçivəsində güc strukturları Dağıstanın dövlət katibi Maqomed-Sultan Maqomedovu, həmçinin onun bir çox qohumlarını və iş yoldaşlarını saxlayıblar.

"Sizinxeber.az" xəbər verir ki, bu barədə Rusiya nəşri "Kommersant" hüquq-mühafizə orqanlarındakı mənbəyə istinadən xəbər verir.

"Cinayət işi qanunsuz özəlləşdirmə ilə bağlı açılıb. Müəssisə (dövlət mülkiyyətinə - red.) qaytarılacaq", - mənbə qeyd edib.

Rusiya Federasiyasının Dağıstan Respublikasının dövlət katibi Maqomed-Sultan Maqomedov saxlanılıb.

“Sizinxeber.az” bu barədə Rusiya KİV-nə istinadən xəbər verir.

KİV-in məlumatına görə, dövlət katibi oğurluqla bağlı cinayət işi üzrə saxlanılıb.

Dağıstan başçısının və hökumətinin administrasiya binasında axtarışlar aparılır.

"Sizinxeber.az"un məlumatına görə, bu barədə TASS mənbələrə istinadən yazır.

Agentliyin məlumatına görə, axtarışlar Dağıstan dövlət katibi Maqomed-Sultan Maqomedovun kabinetində aparılır.

Regionun güc strukturlarındakı digər mənbə qeyd edib ki, axtarışlar Maqomedova qarşı açılmış cinayət işi çərçivəsində bir neçə ünvanda aparılır.

Gülnar Mahmudova