Kollektiv Təhlükəsizlik Müqaviləsi Təşkilatı (KTMT) Ermənistan Xarici Kəşfiyyat Xidmətinin son bəyanatına baxmayaraq, adıçəkilən ölkəni müttəfiq kimi görməkdə davam edir.

APA xəbər verir ki, bu barədə TASS-a təşkilatdan bildirilib.

“Təşkilatın Katibliyi Ermənistan Xarici Kəşfiyyat Xidmətinin bəyanatından xəbərdardır. Bununla belə, biz Ermənistanı hələ də müttəfiq kimi görürük və İrəvanla əməkdaşlıq rejimində qarşılıqlı əlaqəni davam etdiririk”, - qeyd edilib.

Qeyd edək ki, ötən gün Ermənistan kəşfiyyatının hesabatında bildirilib ki, İrəvanın 2024-cü ildə KTMT-nin fəaliyyətində iştirakını dayandırması üçün əsasların bu il aradan qalxması ehtimalı azdır.

Xatırladaq ki, Ermənistanın Baş naziri Nikol Paşinyan daha əvvəl bəyan edib ki, İrəvan KTMT-nin fəaliyyətində iştirakını dayandırıb. Ermənistanın xarici işlər naziri Ararat Mirzoyan isə bildirib ki, İrəvan KTMT-dən potensial çıxma ilə bağlı bütün riskləri hesablayır. Lakin Ermənistan hələlik məsələ ilə bağlı konkret qərar qəbul etməyib.

Oxşar xəbərlər

Ermənistan 2025-ci ildə KTMT-yə üzvlüyünün dondurulmasını davam etdirəcək

Putin: KTMT Qarabağda İrəvanın tərəfində vuruşmamalı idi, çünki Ermənistana qarşı heç bir xarici təcavüz olmamışdı

Peskov: Putin Paşinyanla Ermənistanın KTMT çərçivəsində işini müzakirə etməyib

Rusiya XİN Ermənistanın KTMT ilə bağlı ittihamlarını qəbuledilməz adlandırıb

Baş katib: KTMT ilə Ermənistan arasdında münasibətlərin hazırkı formatı İrəvanın öz qərarıdır