Rusiya Prezidenti Vladimir Putinlə Çin lideri Si Cinpin arasında bugünkü söhbət ABŞ-nin yeni Prezidenti Donald Trampın inauqurasiyası ilə bağlı deyil.

Sizinxeber.az-nın Moskva müxbiri xəbər verir ki, bunu Rusiya Prezidentinin beynəlxalq məsələlər üzrə köməkçisi Yuri Uşakov bildirib.

Onun sözlərinə görə, Si Cinpinlə danışığın tarixi ilə bağlı razılıq hələ dekabrda əldə olunub: "Biz bu tarixi Vaşinqtondakı inauqurasiya ilə uyğunlaşdırmağa çalışmamışıq”.

Uşakov Putin və Si Cinpinin söhbətinin saat yarımdan çox davam etdiyini qeyd edib.

O bildirib ki, Putin İkinci Dünya müharibəsinin başa çatmasının və Yaponiya üzərində qələbənin 80 illiyi şərəfinə keçirilən anım tədbirlərinə Çin liderindən dəvət alıb. Bu tədbirlər sentyabrın 3-də Pekində baş tutacaq.

Oxşar xəbərlər

Putin Bəşər Əsədlə görüşməyi planlaşdırır

Putin Pezeşkianla Yaxın Şərqdəki vəziyyəti müzakirə edəcək

Kreml: Putin Trampla heç bir şərt olmadan görüşməyə hazırdır

Rusiya və Çin liderləri Kazanda görüşüblər

Putin Azərbaycan və Ermənistan liderləri ilə ikitərəfli görüşlər keçirəcək