Rusiyada qanunsuz miqrasiyanın təşkili xüsusilə ağır cinayət kimi təsnif ediləcək.

Sizinxeber.az-nın Moskva müxbiri xəbər verir ki, bu gün Rusiya Dövlət Duması qanunsuz miqrasiyaya qarşı mübarizəyə yönəlmiş 4 qanun qəbul edib.

Belə ki, Rusiya Federasiyasının Cinayət və Cinayət-Prosessual məcəllələrinə qanunsuz miqrasiyaya qarşı mübarizə mexanizmlərinin təkmilləşdirilməsi baxımından dəyişikliklər edilib.

Mütəşəkkil dəstə tərəfindən və ya ağır və ya xüsusilə ağır cinayətlər törətmək məqsədi ilə qeyri-qanuni miqrasiyanın təşkili xüsusilə ağır cinayətlərə daxil edilib.

Bu cinayəti törədən şəxslər 8 ildən 15 ilədək müddətə azadlıqdan məhrum ediləcək. Əvvəllər bu cinayətə görə maksimum müddət 7 ilə qədər olub.

Sənədlərin saxtalaşdırılmasına və ya dövriyyəsinə, əcnəbi vətəndaşların saxta qeydiyyatı bağlı cinayətlərə görə də məsuliyyətin artırılması tədbirləri müəyyən edilib. Bunsan sonra bu cinayəti törədənlər 2 ildən 6 ilədək müddətə azadlıqdan məhrum etmə ilə cəzalandırılacaqlar.

Digər qəbul olunan qanun isə Rusiya ərazisində qanunsuz olan şəxsin cinayət törətməsinin ağırlaşdırıcı hal kimi tanınmasıdır. Bu, qanunsuz miqrantlara cəza təyin edərkən, şərti cəzadan yayınarkən daha yüksək məsuliyyət müəyyən etməyə imkan verəcək.

Yeni qəbul olunan qanuna görə, vasitəçilərin miqrantlar üçün imtahanların təşkili və idarə edilməsində iştirakına tam qadağa qoyulub.

Oxşar xəbərlər

Rusiyada qanunsuz miqrasiyaya görə 15 ilədək həbs cəzası tətbiq olunacaq

Rusiyada ilk dəfə ağır cinayətlərə görə məhkum olunanlar vətəndaşlıqdan məhrum edilib

Qanunsuz miqrasiya ilə bağlı 34 əcnəbi saxlanılıb

Rusiyada nikah yolu ilə yaşamaq icazəsi almaq çətinləşdirilib

Rusiyada olan qanunsuz miqrantların sayı açıqlanıb