Şimali Koreyanın xarici işlər naziri Çoi Sonq Hi Rusiyaya səfər edib.

APA-nın Rusiya bürosu xəbər verir ki, Koreya Xalq Demokratik Respublikasının (KXDR) XİN başçısı Moskvaya rəsmi səfərə yola düşmək üçün Vladivostoka gəlib.

Oktyabrın 30-da onun Moskvaya rəsmi səfər edəcəyi, Rusiya rəsmiləri ilə görüşlər keçirəcəyi bildirilib.

Qeyd edək ki, oktyabrın 24-də Rusiya Dövlət Duması Rusiya Federasiyası ilə Koreya Xalq Demokratik Respublikası arasında Hərtərəfli Strateji Tərəfdaşlıq haqqında Müqaviləni ratifikasiya edib.

Rusiya Federasiyası ilə Koreya Xalq Demokratik Respublikası arasında 2024-cü il iyunun 19-da Pxenyanda imzalanmış hərtərəfli strateji tərəfdaşlıq haqqında saziş tərəflərdən birinə hücum zamanı hərbi və digər yardımları nəzərdə tutur.

Qərb mətbuatı KXDR-in Rusiyaya qoşun göndərdiyi və həmin qoşunların Kursk vilayətində yerləşdirildiyi barədə məlumatlar yayıb.

Oxşar xəbərlər

Putin KXDR ilə Strateji Tərəfdaşlıq haqqında Müqavilənin ratifikasiyası layihəsini Dumaya təqdim edib

Duma Moskva ilə Pxenyan arasında hərtərəfli strateji tərəfdaşlıq haqqında sazişi ratifikasiya edib

Kreml Moskvanın Pxenyanın tərəfində Cənubi Koreyaya qarşı vuruşub-vuruşmayacağına aydınlıq gətirib

Rusiya və Şimali Koreya XİN başçıları görüşəcək

Şimali Koreyanın daha bir naziri Rusiyaya səfər edir