Rusiya tərəfinin Ukraynanın mayın 6-dan qüvvəyə minən "sükut rejimi"nə heç bir reaksiyası olmayıb.

APA-nın Moskva bürosu xəbər verir ki, bunu Kremlin rəsmi nümayəndəsi Dmitri Peskov Ukrayna Prezidenti Volodimir Zelenskinin 6 may gecə yarısından etibarən "sükut rejimi" barədə açıqlamalarına münasibət bildirərkən deyib.

Kreml sözçüsü vurğulayıb ki, Moskva tərəfindən elan edilən atəşkəs 8 və 9 mayda qüvvədə olacaq.

Peskov Rusiyanın Ukrayna münaqişəsinin həlli üçün danışıqların və Vaşinqtonun bu prosesdə vasitəçilik etməyə davam edəcəyini gözlədiyini bildirib.

Rusiya prezidentinin mətbuat katibi qeyd edib ki, Yaxın Şərqdəki böhran səbəbindən amerikalı danışıqçılar hazırda digər məsələlərlə məşğuldurlar.

Peskov Kremlin Ukrayna Milli Təhlükəsizlik və Müdafiə Şurasının katibi Rüstəm Umerovun ABŞ-a səfərinin məqsədi barədə məlumatsız olduğunu da qeyd edib.

Oxşar xəbərlər

Peskov Trampın Ukraynanın Rusiyanın bir hissəsi ola biləcəyi ilə bağlı sözlərinə münasibət bildirib

Peskov: Kiyev Cənubi Koreyanı Ukraynadakı münaqişəyə cəlb etmək üçün hər şeyi edir

Kreml Ukrayna ilə qeyd-şərtsiz atəşkəsə razılaşmamasının səbəbini açıqlayıb

Peskov: Moskva və Vaşinqton sülh naminə çox çalışırlar

Kreml: ABŞ-la yox, Ukrayna ilə razılaşma əldə olunmalıdır