Ekspert ABŞ-nin Yaxın Şərqdən geri çəkilməsi ilə bağlı açıqlamaların hələlik real addımlarla müşayiət olunmadığını bildirib.

BAKU.WS xəbər verir ki, rusiyalı politoloq Aleksandr Perenciyev ABŞ Prezidenti Donald Trampın İrana qarşı hərbi əməliyyatların dayandırılması ilə bağlı bəyanatlarına baxmayaraq, Vaşinqtonun bölgədəki fəaliyyətini azaltmadığını deyib.

Onun sözlərinə görə, Hörmüz boğazı hələ də bağlı qalır və ABŞ hərbi bazalarına qoşunların çıxarılması ilə bağlı göstəriş verilməyib.

Ekspert hesab edir ki, Trampın açıqlamaları daha çox siyasi siqnal xarakteri daşıyır. O, ABŞ-nin əksinə, Yaxın Şərqə əlavə qüvvələr göndərməyə hazırlaşa biləcəyini də istisna etməyib.

Perenciyev bildirib ki, Vaşinqton Körfəz ölkələrinin reaksiyasını yoxlamağa çalışır və onların İranla qarşıdurmada ABŞ tərəfdən nə qədər fəal iştirak etməyə hazır olduqlarını öyrənmək istəyir.

Politoloq həmçinin vaxtilə gündəmə gətirilən "Yaxın Şərq NATO-su" ideyasını xatırladaraq qeyd edib ki, belə modeldə ABŞ əsas idarəedici qüvvə olaraq qalır, ərəb ölkələri və İsrail isə daha çox tərəfdaş rolunda çıxış edir.

Qeyd edək ki, son günlər ABŞ və İran arasında artan gərginlik fonunda bölgədə hərbi və siyasi vəziyyət beynəlxalq medianın diqqət mərkəzindədir.

Oxşar xəbərlər

İran: ABŞ-dən alınan son cavab ekspertlər tərəfindən qiymətləndirilir

Hörmüzdə fransız gəmisinə hücum: yaralılar var

Tramp Hörmüz boğazı üçün "Azadlıq layihəsi"ni elan etdi

Luis Enrike PSJ futbolçularını ad gününə çağırdı, özü gəlmədi

İstilik və isti suya görə ödənişlə bağlı YENİ TƏLƏB