Paris Prokurorluğu amerikalı sahibkar İlon Mask və ona məxsus "X" sosial şəbəkəsi ilə bağlı ilkin istintaqa başlayıb.

Sizinxeber.az xəbər verir ki, bu barədə "Le Monde" öz mənbələrinə istinadən məlumat yayıb.

Məlumata görə, Paris Prokurorluğu mayın 6-da "X" sosial şəbəkəsinin ana şirkəti, onun rəhbəri İlon Mask və 2025-ci ilin yayına qədər sosial şəbəkənin baş direktoru olmuş Linda Yakkarino barəsində ilkin araşdırma başladıb.

Bildirilir ki, araşdırmanın səbəblərindən biri Maskın aprelin 20-də Fransa prokurorluğundakı dindirilməyə gəlməməsi olub.

Ötən ilin dekabrında Fransa "X" sosial şəbəkəsini 120 milyon avro məbləğində cərimələyib. Fransa XİN bu cəriməni Avropanın Rəqəmsal Xidmətlər Qanununun pozulması səbəbilə yalnız başlanğıc adlandırıb. Həmin qanun 2023-cü ilin avqustunda Avropa İttifaqında qüvvəyə minib.

Bundan əvvəl, 2024-cü ilin avqustunda Pavel Durov Parisdəki "Le Bourget Airport" hava limanında saxlanılmışdı. Ona messencer vasitəsilə törədilən cinayətlərdə iştirak ittihamı irəli sürülmüşdü. "Telegram" platformasının qurucusu məhkəmə nəzarəti altına alınmış və 5 milyon avro məbləğində girov ödəməyə məcbur edilmişdi.

Oxşar xəbərlər

İlon Mask Pavel Durovu azadlığa buraxmağa çağırıb

Paris prokurorluğu “X” sosial şəbəkəsi ilə bağlı araşdırmaya başlayıb

İtaliya Baş nazirinin müavini: Pavel Durovdan sonra İlon Mask susdurula bilər

Şəkidə arvadını öldürməkdə təqsirləndirilən şəxsə AĞIR CƏZA