Etiraz edən fermerlər traktorlarla Fransa parlamentinin aşağı palatası olan Milli Assambleya binasına gəliblər. Burada kənd təsərrüfatı haqqında qanun layihəsinin müzakirəsinə başlanılır.

"Report" xəbər verir ki, bu barədə Fransa KİV-i məlumat yayıb.

Onlarla traktor birbaşa parlament binasının qapıları qarşısında yerləşib. Onlara aksiyaya təşkilatçılıq edən FNSEA və “Jeunes Agriculteurs” həmkarlar ittifaqlarının bayraqları bərkidilib.

Məlumata görə, aksiyaya təxminən 200 nəfər qoşulacaq. Təşkilatçıların sözlərinə görə, aksiya şəhər prefekturası ilə razılaşdırılıb.

Bildirilib ki, aqrarçılar qanun layihəsini dəstəkləyirlər, lakin sol partiyalardan olan deputatların təklif etmək niyyətində olduqları çoxsaylı düzəlişlər səbəbindən müzakirənin uzanacağından qorxurlar.

Fransada etiraz edən fermerlər paytaxt İl-de-Frans bölgəsində avtomobil yollarını bağlamağa başlayıblar.

"Report" xəbər verir ki, bu barədə “Parisien” nəşri məlumat yayıb.

Məlumata görə, aksiyalar FRSEA və “Jeunes Agriculteurs” həmkarlar ittifaqlarının çağırışı ilə keçirilir.

"Mayın 26-da səhər saatlarında İl-de-Frans bölgəsinin bir neçə yolunda, xüsusilə Yvelin və Val-d'Oise departamentlərində nəqliyyatın hərəkəti çətinləşib", - nəşr qeyd edib.

Onlar traktorlarla yollarda aşağı sürətlə hərəkət edərək qəsdən nəqliyyat axınını yavaşladırlar.

Ötən həftə fermerlər artıq ölkənin şimalında yerləşən Nor və Pa-de-Kale departamentlərində bir neçə avtomobil yolunu bağlamışdılar. Təsərrüfatçılar bürokratik proseduru sadələşdirməli və pestisidlərin istifadəsinə dair məhdudiyyətləri yenidən nəzərdən keçirməli olan qanun layihəsindən narazıdırlar.

Oxşar xəbərlər

Fransada etiraz edən fermerlər İl-de-Frans bölgəsində avtomobil yollarını bağlayırlar

Hökumətin siyasətindən narazı fermerlər Parisi mühasirəyə alacaqlar

Londonda fermerlər etiraz aksiyasına başlayıblar

Fransada fermerlər sərgiyə gələn Makrona etiraz ediblər

Fransada etiraz edən fermerlərə qarşı zirehli maşınlardan istifadə edilir