Fransada etiraz edən fermerlər paytaxt İl-de-Frans bölgəsində avtomobil yollarını bağlamağa başlayıblar.

"Sizinxeber.az" xəbər verir ki, bu barədə “Parisien” nəşri məlumat yayıb.

Məlumata görə, aksiyalar FRSEA və “Jeunes Agriculteurs” həmkarlar ittifaqlarının çağırışı ilə keçirilir.

"Mayın 26-da səhər saatlarında İl-de-Frans bölgəsinin bir neçə yolunda, xüsusilə Yvelin və Val-d'Oise departamentlərində nəqliyyatın hərəkəti çətinləşib", - nəşr qeyd edib.

Onlar traktorlarla yollarda aşağı sürətlə hərəkət edərək qəsdən nəqliyyat axınını yavaşladırlar.

Ötən həftə fermerlər artıq ölkənin şimalında yerləşən Nor və Pa-de-Kale departamentlərində bir neçə avtomobil yolunu bağlamışdılar. Təsərrüfatçılar bürokratik proseduru sadələşdirməli və pestisidlərin istifadəsinə dair məhdudiyyətləri yenidən nəzərdən keçirməli olan qanun layihəsindən narazıdırlar.

Oxşar xəbərlər

Hökumətin siyasətindən narazı fermerlər Parisi mühasirəyə alacaqlar

Fransada fermerlər yenidən etiraz aksiyası keçirərək şəhərləri aclıqla hədələyirlər

Fransada fermerlər sərgiyə gələn Makrona etiraz ediblər

Londonun mərkəzində fermerlər etiraz aksiyası keçiriblər

Fransada etiraz edən fermerlərə qarşı zirehli maşınlardan istifadə edilir