Fermerlər Fransada keçirilən yarmarkada Prezident Emmanuel Makrona qarşı şüarlar səsləndirib.

Sizinxeber.az xarici KİV-lərə istinadən xəbər verir ki, Makronun iştirak etdiyi Paris kənd təsərrüfatı sərgisinin ərazisinə daxil olan fermerlər “Makron istefa ver” şüarı səsləndirərək, lazım gələrsə, Makronu öz əlləri ilə yarmarkadan uzaqlaşdıracaqlarını deyiblər.

Əraziyə xüsusi polis dəstələri gətirilib. Fəallarla polis arasında qarşıdurma yaranıb, bəzi fermerlər saxlanılıb. Polis etirazçılara bibər qazı ilə müdaxilə edib.

Fermerlər Fransa Prezidentindən ölkədəki “kənd təsərrüfatı böhranı”nı dərk etməsini və ona çarə tapmasını istəyirlər.

Xatırladaq ki, fransalı fermerlər əsasən gəlirlərinin aşağı olmasına, sərt bürokratiya qaydalarına və ədalətsiz rəqabət mühitinə etiraz edirlər.

Onlar bu ayın əvvəlində də etiraz aksiyası keçirərək magistral yolları bağlayıb və ictimai binaların qarşısını çirkləndiriblər.

Oxşar xəbərlər

Argentinanın paytaxtında Mileyin siyasətinə qarşı etiraz aksiyası keçirilir

Fransada etiraz edən fermerlərə qarşı zirehli maşınlardan istifadə edilir

Sabunçuda axtarışda olan silahlı şəxs saxlanılıb

BMT eksperti Bakı Təşəbbüsü Qrupunun Fransanın müstəmləkəçilik siyasəti ilə mübarizədə əhəmiyyətini vurğulayıb

Paris yaxınlığındakı bazarı ələ keçirməyə cəhd edən fermerlər saxlanılıb