ABŞ və İsrailin dəstəklədiyi Qəzzaya Humanitar Yardım Fondu (GHF) mayın 26-da Fələstin anklavına yardım çatdırmağa başlayacaq və həftə sonuna qədər 1 milyon insanı əhatə etməyi planlaşdırır.

“Report” TASS-a istinadən xəbər verir ki, bu barədə “The Times of Israel” nəşri yazıb.

"Yük maşınlarımız yüklənib və göndərilməyə hazırdır. Mayın 26-dan başlayaraq GHF Qəzzaya birbaşa yardımın çatdırılmasına başlayacaq ki, bu da həftənin sonuna qədər 1 milyondan çox fələstinlini əhatə edəcək. Biz növbəti həftələrdə Qəzzanın bütün əhalisinə yardım göstərməyə başlamaq üçün fəaliyyətimizi sürətlə genişləndirməyi planlaşdırırıq", - GHF öz bəyanatında qeyd edib.

Həmçinin fond onun yaradılmasına qarşı çıxanları tənqid edərək, onları həll olunmayan problemlərin yaradıcı həllinə mane olmaqda ittiham edib.

Oxşar xəbərlər

İsrail: Qəzzaya humanitar yardım daşıyan ilk beş yük maşını buraxılıb

İsrail ABŞ-nin Qəzzaya humanitar yardım çatdırmaq planını dəstəkləyib

Türkiyə Qəzzaya yardım göndərdi

Almaniya Qəzza əhalisinə yardım üçün daha 50 milyon avro ayıracaq

Fələstin Qəzzanın şimalında bufer zona yaratmaq planlarını qəbuledilməz hesab edir