Rusiyada miqrantlara birdən çox telefon nömrəsinin, SIM kartın olmasını qadağan etmək təklifi irəli sürülüb.

Bu barədə “Sizinxeber.az” TASS-a istinadən xəbər verir.

“Dövlət Dumasının Əmək, Sosial Siyasət və Veteranların İşləri üzrə Komitəsinin rəhbəri Yaroslav Nilov əcnəbilərə birdən çox abunəçi nömrəsinin olmasını qadağan edən qanun layihəsi hazırlayıb. Sənəddə qeyd olunur ki, bu cür məhdudiyyətlər milli maraqların qorunmasına və vətəndaşlar üçün daha təhlükəsiz mühitin yaradılmasına yönəlib”, - məlumatda deyilir.

Qanun layihəsinə verilən izahat qeydinə əsasən, Rusiya ərazisində əcnəbilərin və vətəndaşlığı olmayan şəxslərin SIM kartlara sahiblik hüququnun məhdudlaşdırılması tədbirləri terrorizm, casusluq, fırıldaqçılıq və kibertəhlükələrlə bağlı artan təhlükələr nəzərə alınmaqla həyata keçirilməlidir.

Qeyd olunur ki, 2025-ci il yanvarın 1-dən Rusiya Federasiyasında əcnəbilərin 10-dan çox abonent nömrəsini öz adlarına qeydiyyatdan keçirməsinə qadağa qoyulub.

“Bu qanun layihəsinin qəbulu bizə müasir çağırışlara və təhdidlərə effektiv cavab verməyə, xarici vətəndaşların kommunikasiyalarına nəzarəti təmin etməyə imkan verəcək”, - izahatda deyilir.

Oxşar xəbərlər

Rusiyaya iş üçün gedən əcnəbilərə ailələrini özləri ilə gətirmək qadağan olunacaq

Rusiyada miqrantların həkim və müəllim peşələrində çalışması qadağan oluna bilər

Rusiyada ikili vətəndaşlıq qadağan edilə bilər

Rusiyada dəbdəbə vergisi tətbiq oluna bilər

Rusiyada miqrantlara evlərin kirayə verilmə qaydaları sərtləşdirilə bilər