İspaniya Xarici İşlər Nazirliyi İordan çayının qərb sahilindəki Cenin hadisəsi ilə əlaqədar İsrailin Madriddəki səfirliyinin müvəqqəti işlər vəkilini çağırıb.

“Sizinxeber.az” xəbər verir ki, bu barədə Krallığın xarici işlər naziri Xose Manuel Albares sosial şəbəkədə yazıb.

"İspaniya, Avropa İttifaqı və digər ölkələrin diplomatlarının səfəri zamanı İsrail ordusu tərəfindən qəbuledilməz atəşə cavab olaraq, Madriddəki səfirliyə zəng etdik. Biz aydınlıq və məsuliyyət tələb edirik", - nazir qeyd edib.

Qeyd edək ki, hadisədən sonra İsrailin Portuqaliya və İtaliyadakı səfirləri də bu ölkələrin xarici işlər nazirliklərinə çağırılıb.

Bundan əvvəl Fələstinin WAFA xəbər agentliyi İsrail əsgərlərinin oradakı fələstinlilərin yaşayış şəraitini görmək üçün Ceninə gələn diplomatik nümayəndə heyətinə və qruplaşmanı müşayiət edən jurnalistlərə atəş açdığını bildirmişdi. Agentliyin məlumatına görə, nümayəndə heyətinə ondan çox ölkə, o cümlədən Rusiya, Türkiyə, Misir, İordaniya və Mərakeşdən, həmçinin Avropa İttifaqından diplomatlar daxil olub.

Oxşar xəbərlər

Avropa ölkələri İsrailin Cenində diplomatlara atəş açmasını pisləyib

Latviya Rusiyanın müvəqqəti işlər vəkilini çağırıb

Türkiyə səfirinin müavini İsrail XİN-ə çağırılıb

İsrailin diplomatik təmsilçisi Norveç XİN-ə çağırılıb

İspaniya XİN başçısı İsrailin fələstinlilərin Qəzzadan köçürülməsi ilə bağlı planını rədd edib