ABŞ Senatının Nümayəndələr Palatasının Büdcə Komitəsi Prezident Donald Tramp administrasiyasının təklif etdiyi xərclərin azaldılması ilə bağlı qanun layihəsini təsdiqləməyi tövsiyə edib.

"Report"un xəbərinə görə, səsverməni C-SPAN telekanalı yayımlayıb.

Qanun layihəsinin lehinə 17 qanunverici, əleyhinə 16 nəfər səs verib, 4 nəfər isə bitərəf qalıb. Qanun layihəsi keçən cümə günü Trampın beş respublikaçı həmkarı ona qarşı çıxdıqdan sonra oxşar səsvermədən keçə bilməyib. İndi qanun layihəsi baxılmaq üçün Nümayəndələr Palatasına göndəriləcək.

Trampın “vahid, böyük, əla qanun layihəsi” adlandırdığı sənəddə vergilərin və bəzi sahələrdə hökumət xərclərinin əhəmiyyətli dərəcədə azaldılması yer alır. Eyni zamanda, sənəd müdafiə sektorunda xərclərin artırılmasını təklif edir. Bundan əlavə, sərhəd nəzarətinin gücləndirilməsi tədbirləri daxildir və bu sahədə xərclərin artırılması nəzərdə tutulur.

Əsasən Demokratlar Partiyasından olan hazırkı administrasiyanı tənqid edənlər düşünürlər ki, qanun layihəsində qeyd olunan tədbirlər ilk növbədə əhalinin ən varlı təbəqələri üçün vergiləri azaltmaq məqsədi daşıyır və həmçinin milyonlarla ABŞ sakinini subsidiyalaşdırılmış tibbi sığortadan məhrum etməkdə təhdid edir.

Oxşar xəbərlər

Respublikaçılar Konqresdə böyük vergi qanun layihəsini təqdim ediblər

Fransada hərbi xərclər 3,3 milyard avro artırılacaq

ABŞ Senatı büdcə haqqında qanun layihəsini gecikmə ilə qəbul edib

KİV: Konqresdə demokratlar Rusiyaya sanksiyaların sərtləşdirilməsini təklif edirlər