Fələstin Qəzza sektorunda atəşkəsin əldə edilməsinə və humanitar məsələlərin həllinə nail olmaq istəyir.

"Sizinxeber.az" TASS-a istinadən xəbər verir ki, bunu Fələstin lideri Mahmud Abbas Rusiya Prezidenti Vladimir Putinlə danışıqlar zamanı bildirib.

“Biz hazırda hərbi vəziyyətlə, atəşkəs məsələləri ilə bağlı çox çətin şəraitdən keçirik. Bu, həm İordan çayının qərb sahilinə, həm də Qəzzaya aiddir. Biz atəşkəsin əldə olunmasını, humanitar məsələlərin həllini istəyirik”, – o vurğulayıb.

Xatırladaq ki, yanvarın 15-də İsrail və HƏMAS Qəzzada saxlanılan girovların azad edilməsi və Qəzza sektorunda atəşkəs rejiminin tətbiqi barədə razılığa gəliblər. Üç mərhələdən ibarət olan razılaşma yanvarın 19-da qüvvəyə minib, onun birinci mərhələsi martın 1-də başa çatıb. Birinci mərhələ müddətində tərəflərin ikinci mərhələnin reallaşdırılması ilə bağlı razılığa gələcəkləri gözlənilsə də, bu, baş verməyib.

Martın 18-də İsrail Ordusu fələstinlilərin yaşadığı anklavda hərbi əməliyyatları bərpa edərək genişmiqyaslı zərbələr endirib. Baş nazir Benyamin Netanyahunun ofisi bunu HƏMAS-ın ABŞ Prezidentinin xüsusi elçisi Stiven Uitkoff və vasitəçilərin danışıqlar zamanı irəli sürdüyü təklifləri qəbul etməməsi ilə izah edib və əməliyyatın məqsədinin bütün girovların azad edilməsi olduğunu bildirib.

Oxşar xəbərlər

HƏMAS Qəzzanın yenidən qurulması müqabilində silahı yerə qoymayacaq

HƏMAS: Qəzzada atəşkəs pozula bilər

Mahmud Abbas: Fələstin dövləti tanınmayana qədər Ər-Riyad İsraillə münasibətləri normallaşdırmayacaq

Qətər HƏMAS-İsrail razılaşmasını təsdiqləyib

ABŞ və İordaniya liderləri Qəzza üzrə razılaşmaya nail olmaq səylərini müzakirə ediblər