Hindistan Pakistanın aviaşirkətləri üçün öz hava məkanını və limanlarını bağlamaq imkanını nəzərdən keçirir.

“Report” xəbər verir ki, bu barədə “Economic Times” nəşri mənbələrə istinadən bildirib.

"Pakistan International Airlines” (PIA) dövlət aviaşirkəti Cənub-Şərqi Asiyanın bir neçə istiqamətinə, o cümlədən Kuala-Lumpur və Malayziyanın digər şəhərlərinə getmək üçün Hindistanın hava məkanından istifadə edir. Hindistanın hava məkanının bağlanması aviaşirkətin vəziyyətinə təsir göstərə bilər, çünki təyyarələr daha uzun yol seçməyə məcbur olacaq", - nəşr qeyd edib.

Məlumata görə, Avropa Uçuş Təhlükəsizliyi Agentliyi 2020-ci ilin iyun ayında təhlükəsizlik səbəblərindən PIA-nın Avropada fəaliyyətini qadağan edib. Bu qadağa yalnız 2024-cü il noyabrın 29-da aradan qaldırılıb.

Öz növbəsində, Pakistan Hindistanla bütün ikitərəfli sazişlərin fəaliyyətini dayandırıb, bu ölkənin aviaşirkətləri üçün öz hava məkanını bağlayıb.

Pakistan və Hindistan aprelin 22-də Cammu və Kəşmirdə törədilən terror aktından sonra münasibətlərin kəskinləşməsi fonunda bir-birinə qarşı ciddi tədbirlər elan ediblər.

Oxşar xəbərlər

Hindistan hava məkanını Pakistan təyyarələri üçün bağlamağı planlaşdırır

Hindistan-Pakistan sərhədində atəşkəs ardıcıl beşinci gecədir pozulub

Pakistan və Hindistan Kəşmirdəki terror aktından sonra qarşılıqlı sərt tədbirlər görürlər

Hindistan öz vətəndaşlarını tezliklə Pakistanı tərk etməyə çağırıb