Ötən il sui-qəsdə cəhdinə məruz qalmış Slovakiyanın Baş naziri Robert Fitso son üç gündə səhhəti ilə bağlı problemlər yaşayıb.

“Report” xəbər verir ki, bu barədə hökumət başçısı sosial şəbəkədə vətəndaşlara müraciətində açıqlayıb.

“Sui-qəsd cəhdi zamanı aldığım yaralar son üç gündə məni narahat edirdi. İş proqramımın bir hissəsini ləğv etməli oldum”, – o söyləyib.

Xatırladaq ki, Fitsoya qarşı sui-qəsd cəhdi ötən ilin mayında Slovakiyanın qərbində yerləşən Handlova şəhərində törədilib. Ona məhkəmə hökmü çıxarılanadək həbsdə saxlanılan yazıçı-təqaüdçü Yuray Sintula atəş açıb. Baş nazir bir neçə yara alıb, bir sıra əməliyyatlar keçirib və yalnız 2024-cü ilin iyul ayında vəzifə səlahiyyətlərinin icrasına qayıda bilib.

Fitso aprelin 10-da əlavə cərrahi əməliyyatlar keçirəcəyi barədə məlumat verib.

Oxşar xəbərlər

Slovakiyanın Baş naziri yenidən əməliyyat olunacaq

Slovakiya Baş nazirinin son durumu açıqlanıb

Vladimir Putin Slovakiyanın Baş naziri Robert Fitso ilə danışıqlar aparır

Putinin Slovakiyanın baş naziri ilə görüşünün təfərrüatları bəlli olub

Vladimir Putin Slovakiyanın Baş naziri Robert Fitso ilə danışıqlar aparıb - YENİLƏNİB