Almaniya BMT-nin Qaçqınlar üzrə Ali Komissarlığının proqramı çərçivəsində qaçqınların könüllü qəbulunu müvəqqəti olaraq dayandırıb.

“Report” TASS-a istinadən xəbər verir ki, bu barədə “Deutsche Presse-Agentur” (DPA) məlumat yayıb.

Almaniya Daxili İşlər Nazirliyi və BMT idarəsinin məlumatına görə, bu qərar hazırda Xristian Demokratik və Xristian Sosialist ittifaqları bloku ilə Almaniya Sosial Demokrat Partiyası arasında aparılan hakim koalisiya danışıqları ilə bağlıdır. İlkin məsləhətləşmələrin yekunu üzrə onlar qaçqınların könüllü qəbulu proqramlarını mümkün qədər tez başa çatdırmaq və yeni proqramlara qoşulmamaq barədə razılığa gəliblər.

Daha əvvəl Almaniya hökuməti 2024-2025-ci illərdə BMT-nin xətti ilə ümumilikdə 13 100 qaçqını Almaniya ərazisində yerləşdirməyə razılıq vermişdi. Onlardan 5 061 nəfəri artıq Almaniyaya daxil olub, onların arasında Türkiyədən olan suriyalı qaçqınlar da var.

Almaniyanın ehtimal olunan gələcək kansleri Fridrix Merts hakimiyyətə gələcəyi təqdirdə miqrasiya siyasətini sərtləşdirmək niyyətində olduğunu dəfələrlə bildirib.

Oxşar xəbərlər

Almaniyadakı seçkilərin qalibləri miqrasiya siyasətini sərtləşdirmək barədə razılığa gəliblər [xfgiven_updateblue][/xfgiven_updateblue]

Almaniya vətənlərinə qayıtmaq istəyən suriyalılara min avro təklif edib [xfgiven_updateblue][/xfgiven_updateblue]

Berlin və Kiyev ukraynalı qaçqınlar üçün "Unity Hubs"ın yaradılması haqqında bəyannamə imzalayıblar [xfgiven_updateblue][/xfgiven_updateblue]

Bundestaq Ukraynaya 3 milyard avro yardımla bağlı qətnamə qəbul edib [xfgiven_updateblue][/xfgiven_updateblue]

Şolts AfD ilə əməkdaşlığı rədd etsə də, digər partiyalarla koalisiyanı istisna etməyib [xfgiven_updateblue][/xfgiven_updateblue]