İsrail ABŞ-yə idxal olunan bütün mallara gömrük rüsumlarını ləğv edib.

“Report” xəbər verir ki, bu barədə İsrailin Baş naziri Binyamin Netanyahunun Dəftərxanası məlumat yayıb.

“Netanyahu, maliyyə naziri Besalel Smotriç, iqtisadiyyat və sənaye naziri Nir Barkatın göstərişi ilə İsrail ölkənin ən böyük ticarət tərəfdaşı olan ABŞ-dən alınan mallardan əvvəllər alınan bütün gömrük rüsumlarını ləğv edib”, - məlumatda bildirilir.

Qurumdan əlavə edilib ki, iqtisadiyyat və sənaye naziri müvafiq fərmanı imzaladıqdan sonra ticarət rüsumları və qoruyucu tədbirlər haqqında əsasnaməyə dəyişiklik qüvvəyə minəcək, bunun nəticəsində ABŞ-dən bütün idxala rüsumlar ləğv olunacaq.

Qeyd olunur ki, 2024-cü ildə yəhudi dövlətindən ABŞ-yə mal tədarükü 17,3 milyard dollar, xidmət ixracı isə 16,7 milyard dollara çatıb.

“Tariflərin ləğvi faktiki olaraq İsrail və ABŞ arasında ticarət razılaşmasını genişləndirəcək və ölkələr arasında strateji əlaqələri gücləndirəcək”, - Netanyahunun Dəftərxanası qeyd edib.

Oxşar xəbərlər

KİV: Tramp Trüdo ilə telefon danışığı aparıb [xfgiven_updateblue][/xfgiven_updateblue]

Ötən il Çinlə ABŞ arasında ticarət dövriyyəsi 3,7 % artıb [xfgiven_updateblue][/xfgiven_updateblue]

Netanyahu Trampı İsrailin ən böyük dostu adlandırıb [xfgiven_updateblue][/xfgiven_updateblue]

ABŞ Kanada və Hindistanla gömrük rüsumları barədə razılığa gələcək [xfgiven_updateblue][/xfgiven_updateblue]

İsrailin Ali Məhkəməsi mübahisəli məhkəmə qanununu ləğv edib [xfgiven_updateblue][/xfgiven_updateblue]