Budapeşt Vaşinqtonla nüvə enerjisi sahəsində, o cümlədən ABŞ-nin “Westinghouse” şirkətinin kiçik modul reaktorlarının istifadəsində əməkdaşlıq etməyi planlaşdırır.

“Sizinxeber.az” TASS-a istinadən xəbər verir ki, bunu Macarıstanın xarici işlər və xarici iqtisadi əlaqələr naziri Peter Siyarto martın 4-də Vaşinqtonda dövlət katibi Marko Rubio ilə görüşdən sonra bildirib.

"Marko Rubio ilə Macarıstan və ABŞ arasında nüvə enerjisinin prioritet olduğu enerji əməkdaşlığının inkişafı imkanlarını müzakirə etdik. Həm Macarıstan, həm də ABŞ atom enerjisi tədarükünün təhlükəsizliyinin təmin edilməsində mühüm rol oynayır, buna görə də bu sahədə texnoloji əməkdaşlıq perspektivlidir", - o, “Facebook”da yazıb.

"Westinghouse” qlobal nüvə texnologiyaları bazarında aparıcı şirkətlərdən biridir və kiçik modul atom elektrik stansiyalarının yaradılmasında mühüm rol oynaya bilər. Bu kiçik elektrik stansiyaları etibarlı şəkildə ekoloji cəhətdən təmiz üsulla böyük həcmdə elektrik enerjisi istehsal edə biləcək, biz buna görə sözügedən texnologiyanı “Westinghouse” ilə əməkdaşlıqda inkişaf etdirməkdə maraqlıyıq", - P.Siyarto qeyd edib.

Oxşar xəbərlər

Ruanda nüvə reaktorlarının tikintisi ilə bağlı ABŞ ilə müqavilə bağlayıb

Serbiya nüvə enerjisi üzrə tədqiqatlara qoyulan moratoriumu ləğv edə bilər

Nicat Əliyev: Nüvə texnologiyaları iqlim dəyişikliyinin təsirlərinin yumşaldılmasında mühüm rol oynayır

Azərbaycan kiçik modul reaktorların tikintisində maraqlıdır

BƏƏ və Çin birgə AES tikə bilərlər