Serbiya Prezidenti Aleksandar Vuçiç NATO Baş katibi Mark Rutte ilə telefon danışığı zamanı Belqradın alyansla ikitərəfli münasibətlərini müzakirə edib.

“Sizinxeber.az” xəbər verir ki, bu barədə A.Vuçiç sosial şəbəkədəki hesabında məlumat yayıb.

O qeyd edib ki, tərəflər gələn ay Brüsseldə də şəxsən görüşmək barədə razılığa gəliblər.

"NATO Baş katibi Mark Rutte ilə Qərbi Balkandakı vəziyyət, ikitərəfli münasibətlərlə bağlı uzun və səmimi söhbət etdim. Biz hər ikimiz regionda məsuliyyətli və ciddi davranışın vacibliyini qeyd etdik, sülhün qorunmasında bu regionda yaşayan bütün insanların maraqlı olduğunu vurğuladıq", - paylaşımda deyilir.

Serbiya lideri hərbi neytrallığı saxlamaq öhdəliyinə, eləcə də istənilən təhlükəyə qarşı döyüş hazırlığının saxlanılmasının vacibliyinə diqqət çəkib.

Oxşar xəbərlər

Mark Rutte NATO-nun baş katibi vəzifəsinin icrasına başlayıb

Vuçiç Zelenski ilə telefon danışığı aparıb

Mark Rutte: Çinin Rusiya ilə əməkdaşlığı Pekinin nüfuzuna təsir edə bilər

NATO-nun Baş katibi Trampla görüşüb

Türkiyə Prezidenti ilə NATO-nun Baş katibi arasında telefon danışığı olub