Latviya Seyminin (parlamentinin) Milli İqtisadiyyat, Aqrar, Regional Siyasət və Ətraf Mühit Komitəsi “Turizm haqqında” Qanuna ölkə operatorlarına Rusiya və Belarusa turların təşkilini qadağan edən düzəlişləri dəstəkləyib.

“Report” xəbər verir ki, bu barədə Latviyanın LSM dövlət televiziya və radio portalı məlumat yayıb.

Düzəlişlərin təşəbbüskarı, “Yeni Birlik” Partiyasından olan parlament üzvü Janis Patmalnieks iddia edib ki, bunlar Rusiya və Belarusiyaya səfər edən Latviya vətəndaşlarına qarşı mümkün insan hüquqlarının pozulması risklərini azaltmaq üçün lazımdır. O, həmçinin hesab edir ki, səyahət qadağası latviyalıların Rusiya və Belarus kəşfiyyat xidmətləri tərəfindən işə götürülməsinin qarşısını ala bilər.

Latviya İqtisadiyyat Nazirliyinin nümayəndəsi, həmçinin Rusiya və Belarus marşrutları üzrə fəaliyyət göstərən ölkənin sərnişin daşıyıcıları üçün əlavə məhdudiyyətlərə icazə verib.

Bundan əvvəl müdafiə naziri Andris Spruds və daxili işlər naziri Rihards Kozlovskis ölkə sakinlərini Rusiya və Belarusa səfərlərdən çəkinməyə çağırıblar.

Oxşar xəbərlər

Latviya komandalarının Rusiya və Belarus milliləri ilə üz-üzə gəlməsi qadağan edilib

Rusiya PUA-sı Latviya ərazisinə düşüb

Latviya öz ərazisinə MDB ölkələri vətəndaşlarının girişi üçün tələbləri sərtləşdirməyi planlaşdırır

Latviya parlamentində təklif olunan düzəlişlər anlaşılmazdır – RƏY

Latviya Ukraynaya təhvil vermək üçün min dron hazırlayıb