Yaponiyanın Baş naziri Siqeru İsiba ABŞ Prezidenti Donald Tramp ilə Vaşinqtonda baş tutan ilk görüşündə ona qızıl samuray dəbilqəsi hədiyyə edib.

“Report” xəbər verir ki, bu barədə Yaponiya mətbuatı məlumat yayıb.

Belə hədiyyə verilmə ideyası hadisələri Yaponiyada cərəyan edən və ABŞ istehsalı olan “Sequn” serialının populyarlığı, həmçinin Trampın qızıla olan sevgisi fonunda yaranıb.

Hədiyyə edilən samuray dəbilqəsi Yaponiyanın “Ningyouno Hanafusa Co.” şirkəti tərəfindən hazırlanıb.

Dəbilqənin ölçüləri 57×81×48 sm və qiyməti isə 168 min yen (təxminən 1100 ABŞ dolları) təşkil edir.

Şirkətin prezidenti Tomoya Hanafusa, firmanın keçən ilin noyabrında Yaponiya Xarici İşlər Nazirliyindən qızıl samuray dəbilqəsi sifarişi aldığını, ancaq bunun yalnız xarici VIP-ə hədiyyə ediləcəyini söylədiklərini söylədi.

Xatırladaq ki, 2019-cu ildə Yaponiyanın o zamankı Baş naziri Sindzo Abe Donald Trampa mirvari qol düymələri, həyat yoldaşı Melaniyaya isə çay dəstgahı hədiyyə etmişdi.

Oxşar xəbərlər

Siqeru İsiba Yaponiyanın Baş naziri seçilib

Yaponiyanın Baş naziri Trampla danışıqlar aparacaq

Yaponiyanın yeni xarici işlər naziri təyin olunub

KİV: Tramp Yaponiya Baş naziri ilə görüşdə müdafiə xərclərinin artırılmasını tələb edəcək

Yaponiyanın XİN başçısı Donald Trampın andiçmə mərasimində iştirak edəcək