Şimali Koreya ordusunun silahlanmasında olan nüvə silahı düşmən qüvvələrin təcavüzkar hərəkətlərinin qarşısını almaq üçün nəzərdə tutulub və alqı-satqı predmeti deyil.

“Sizinxeber.az” xəbər verir ki, bu barədə Koreya Mərkəzi Teleqraf Agentliyinin (KMTA) şərhində bildirilib.

“Dövlətimizin nüvə silahlı qüvvələri ölkənin suverenliyini və xalqın təhlükəsizliyini pozan, regionda sülhü təhdid edən düşmən qüvvələrin istənilən təcavüzkar hərəkətlərinin qarşısını almaq üçündür”, – materialda qeyd olunub.

Həmçinin vurğulanıb ki, Pxenyanın “qəpik-quruşa” görə ondan imtina etməyi nəzərdə tutan “alqı-satqı predmeti” olmayan nüvə silahı barədə “kimdənsə tanınmağa ehtiyacı yoxdur”.

Şərhdə ABŞ-nin yeni prezidenti Donald Trampın siyasətindən bəhs edilməsə də, “reallıqları nəzərə almayaraq, gülüş doğuran ekssentrik cəfəngiyyat danışan” NATO və Aİ tənqid edilir.

Beləliklə, KMTA Şimali Koreyanın nüvə proqramının “tam, yoxlanıla bilən və geri dönülməz” şəkildə sökülməsinə dair çağırışları qiymətləndirib.

Oxşar xəbərlər

Şimali Koreya uranın zənginləşdirilməsi üçün sentrifuqaların sayını artıracaq

Cənubi Koreya və ABŞ birgə hərbi təlimlərə başlayır

Lukaşenko: Belarusun nüvə silahı var