ABŞ İsrailə 7 milyard dollar dəyərində silah, o cümlədən aviasiya bombaları, idarə olunan raketlər və əlaqəli avadanlıqlar tədarük edəcək.

“Sizinxeber.az” xəbər verir ki, bu barədə Pentaqon ABŞ Prezidenti Donald Tramp və İsrailin Baş naziri Binyamin Netanyahu arasında keçirilmiş görüşün nəticəsinə istinadən məlumat yayıb.

“ABŞ İsrailin təhlükəsizliyinin təmin edilməsinə sadiqdir ki, bu da ABŞ-nin milli maraqları üçün həlledici önəm daşıyır. Təklif olunmuş sazişlər İsrailə müdafiə qabiliyyətini gücləndirməyə, habelə mövcud və gələcək təhdidləri dəf etməyə hazırlığını artırmağa imkan verəcək”, – Pentaqondan bildirilib.

İsrail Müdafiə Qüvvələrinə 3 min ədəd “hava – yer” sinifli “AGM-114 Hellfire” idarə olunan raket, həmçinin 2 mindən çox “GBU-39/B” kiçikdiametrli bomba, 2,8 min “MK 82” fuqas aviabombası və aviabombaları idarə olunan döyüş sursatına çevirmək üçün nəzərdə tutulmuş 13 min “JDAM” dəsti tədarük ediləcək.

Oxşar xəbərlər

“Axios”: Vaşinqton İsrailə 8 milyard dollar dəyərində silah və sursat sata bilər

KİV: ABŞ İsrailə silah alışı üçün 3,5 milyard dollar verəcək

KİV: Ağ ev İsrailə on milyonlarla dollarlıq silah-sursat göndərməyə hazırlaşır

İsrail ABŞ-dən 8,7 milyard dollarlıq yardım paketi alacaq

ABŞ İsrailə səkkiz milyard dollarlıq silah satmağı planlaşdırır