Avropa İttifaqı (Aİ) ölkələrinin XİN başçıları yanvarın sonunda Suriyaya qarşı sanksiyaların ləğvi imkanını müzakirə edəcəklər.

“Report” “Reuters”ə istinadən xəbər verir ki, bu barədə Aİ-nin diplomatik xidmətinin rəhbəri Kaya Kallas bildirib.

“Biz həqiqətən də o vaxtadək bunu edə biləcəyimizlə (sanksiyaların ləğvi – red.) bağlı qərar qəbul etmək imkanının yaranması üzərində işləyirik”, - o deyib.

Qeyd edək ki, Aİ XİN başçılarının bu məsələni müzakirə edəcəyi gözlənilən Aİ Şurasının Brüsseldə iclası yanvarın 27-nə planlaşdırılıb.

Kallas həmçinin sosial şəbəkədə paylaşım edərək, Aİ-nin sanksiyaların ləğvini deyil, “yumşaldılmasını nəzərdən keçirəcəyini” açıqlayıb, lakin bunun nə vaxt baş verə biləcəyini dəqiqləşdirməyib.

Xatırladaq ki, daha əvvəl Avropanın baş diplomatları Aİ-nin Suriyanın yeni iqtidarındn ilk növbədə ölkə ərazisindəki Rusiya bazalarının bağlanmasını tələb edəcəyini bəyan etmişdilər.

Oxşar xəbərlər

Aİ XİN rəhbərləri Suriyaya qarşı sanksiyaların ləğvini müzakirə edəcəklər

ABŞ rəsmiləri Dəməşqdə Suriyaya qarşı sanksiyaların yumşaldılmasını müzakirə edib

Aİ Suriyanın yeni hakimiyyəti ilə Rusiya bazalarının ləğvini müzakirə edəcək

Ai Gürcüstanın diplomatik pasportları üçün vizasız rejimi dayandıracaq

Kaya Kallas Suriyanın XİN rəhbəri ilə görüşüb