ABŞ-nin yeni seçilmiş prezidenti Donald Tramp Rusiya - Ukrayna müharibəsinin qarşıdakı altı ay ərzində bitə biləcəyini deyib.

"Report" xarici KİV-ə istinadən xəbər verir ki, o, bu barədə keçirdiyi mətbuat konfransında bildirib.

"Ümid edirəm ki, yarım il ərzində buna nail olacağam", - siyasətçi bildirib.

Tramp Rusiya-Ukrayna müharibəsinə ABŞ-nin hazırkı Prezidenti Cozef Baydeni təqsirləndirib: "Müharibənin təqsirkarı Baydendir. Müharibəyə onun administrasiyasının səriştəsizliyi ilə təhrik edilib".

Respublikaçıların lideri onu da söyləyib ki, Qərb Ukraynanın NATO-ya daxil olmasının mümkünsüzlüyünü etiraf edir.

Qeyd edək ki, Rusiya ilə Ukrayna arasında genişmiqyaslı müharibə 2022-ci il fevralın 24-də başlayıb. Ukrayna Prezidenti Volodimir Zelenski daha əvvəl müharibənin 2025-ci ildə bitəcəyinə ümid etdiyini bildirib.

Oxşar xəbərlər

KİV: Ukrayna ilə Rusiya arasındakı müharibə bu il bitə bilər, siqnallar var

KİV: Rusiya ilə Ukrayna arasında sülh aprelin 20-nə qədər əldə edilə bilər

Tramp: Rusiya-Ukrayna müharibəsinin nizamlanması naminə Putinlə danışığa hazıram

KİV: Tramp Ukrayna Prezidentini müharibəni dayandırmağa çağırıb

Ukrayna XİN Qərbə xəbərdarlıq edib