Mütəxəssislər “Jeju Air” aviaşirkətinin dekabrın 29-da Muan hava limanında qəzaya uğrayan təyyarəsinin pilot kabinəsindəki səs qeydedicisindən məlumatları çıxararaq səs fayllarına çevirirlər.

“Sizinxeber.az” TASS-a istinadən xəbər verir ki, bu barədə Cənubi Koreya Nəqliyyat Nazirliyinin Mülki Aviasiya Departamentinin direktoru Çju Çjon Van brifinqdə məlumat verib.

"Pilot kabinəsindəki səs yazıcısından məlumatların çıxarılması başa çatıb. Bu gün onların audiofayllara çevrilməsi üzrə işlərə başlanılıb", - o bildirib. Cənubi koreyalı rəsmi əlavə edib ki, sözügedən işlər mümkün qədər tez həyata keçiriləcək. Dekabrın 29-da baş vermiş qəza nəticəsində “Boeing 737-800” təyyarəsində olan 181 nəfərdən 179-u həlak olub ki, bu da Koreya Respublikası ərazisində ən böyük aviasiya qəzası olub.

İkinci qara qutu - uçuş məlumatlarının bort qeydedicisi bəzi xarici zədələr alıb ki, bu da onun açılması üçün lazım olandan daha çox vaxt aparacaq. Cənubi koreyalı ekspertlər hesab edirlər ki, uçuş məlumatlarının bort qeydedicisinin oxunması təxminən bir ay çəkəcək. Əgər hər iki aparat zədələnməsəydi, bu proses təxminən bir həftə vaxt aparardı.

Cənubi koreyalı mütəxəssislər deşifrə zamanı çətinliklərlə üzləşərsə, qara qutular Milli Nəqliyyat Təhlükəsizliyi Şurasından olan amerikalı həmkarlara təhvil verilə bilər. Milli Nəqliyyat Təhlükəsizliyi Şurası və “Boeing” şirkətini təmsil edən təxminən 10 nəfərdən ibarət Amerika nümayəndə heyəti artıq Muana gəlib.

Oxşar xəbərlər

Mütəxəssislər Cənubi Koreyada qəzaya düşən təyyarənin qara qutusundan məlumat çıxarıblar

ABŞ və “Boeing” Cənubi Koreyaya Muandakı aviaqəzanın araşdırılmasında kömək edəcək

Cənubi Koreyada qəzaya uğramış təyyarənin qara qutuları tapılıb

Cənubi Koreyada bütün “Boeing 737-800”lər yoxlanılacaq

Cənubi Koreya Ordusu təyyarə qəzasından sonra aviasiyanı yoxlamağa başlayıb