Bolqarıstanın texniki hökumətinin Baş naziri Dimitar Qlavçev Ukrayna ilə təhlükəsizlik sazişinin imzalanması üçün parlamentin deputatlarından mandat istəyib.

"Sizinxeber.az" xəbər verir ki, bu barədə hökumətin mətbuat xidməti məlumat yayıb.

"Sazişin müddətini (10 il) nəzərə alaraq Xalq Məclisini Bolqarıstan və Ukrayna arasında təhlükəsizlik sahəsində əməkdaşlığa dair sazişin imzalanması üçün texniki hökumətə mandat verməyə çağırıram", - məktubda deyilir.

Həmçinin qeyd olunur ki, saziş Müqavilələr Hüququ haqqında Vyana Konvensiyasının təsir dairəsi altına düşmür və ölkə parlamentinin qərarlarına uyğun olaraq siyasi öhdəlikləri nəzərdə tutur. Aİ-nin 27 ölkəsindən yalnız Avstriya, Bolqarıstan, Kipr, Malta, Slovakiya və Macarıstan sazişi imzalamayıb.

Daha əvvəl Bolqarıstan parlamentinin iki qrupunun deputatları - "BSP - Birləşmiş solçular" koalisiyasının və "Dirçəliş" partiyasının nümayəndələri Ukrayna ilə təhlükəsizlik sahəsində əməkdaşlıq haqqında sazişin imzalanmasına qarşı çıxıblar. Onlar parlament tribunasından bəyan ediblər ki, belə bir saziş milli təhlükəsizliyə təhdid yaradır və ölkəni hərbi münaqişəyə yaxınlaşdıracaq.

Oxşar xəbərlər

Bolqarıstan hökuməti istefa verib

Bolqarıstanın yeni parlamentinə səkkiz siyasi birlik daxil ola bilər

Macarıstan Bolqarıstanı Şengen zonasına buraxdı

Rumıniya və Bolqarıstan Şengen sazişinə qoşula biləcək

Gürcüstan parlamenti 150 deputatın səlahiyyətini tanıyıb