Suriya prezidenti Bəşər Əsədin müxtəlif siyasi qüvvələrlə danışıqlar aparmaq istəməməsi ölkədə müxalif qrupların hücumuna səbəb olub.

“Sizinxeber.az” xəbər verir ki, bu barədə Britaniya Xarici İşlər Nazirliyinin bəyanatında deyilir.

“Suriyada baş verən son hadisələr fonunda biz bütün tərəfləri daha çox əzabın, həssas insanların yerdəyişməsinin və mühüm humanitar yardımın çatdırılmasında fasilələrin qarşısını almaq üçün mülki insanların həyatını və infrastrukturunu qorumağa çağırırıq. Biz suriyalıların özlərinin də iştirak etdiyi münaqişənin siyasi həllinə çağırışımızı təkrar edirik.

Əsəd rejimi siyasi proseslərə qoşulmaqdan davamlı imtina edərək Rusiya və İrandan asılılığı ilə hazırkı eskalasiyaya şərait yaradıb. Rejim və Suriyadakı münaqişənin bütün iştirakçıları BMT Təhlükəsizlik Şurasının 2254 saylı qətnaməsinin tələb etdiyi kimi, danışıqları dəstəkləməli və danışıqlarda iştirak etməlidir”, - bəyanatda vurğulanıb.

Oxşar xəbərlər

Britaniya XİN: Suriyadakı vəziyyət Əsədin dialoqdan imtina etməsi ilə bağlıdır

KİV: Bəşər Əsəd Türkiyə ilə dialoqdan imtina edib

Suriyada müxalifət qüvvələri Səraqib şəhərinə daxil olmağa başlayıb - YENİLƏNİB 1

Suriya ordusu üsyançıların hücumlarını dəf etdiyini bildirib - YENİLƏNİB

Türkiyə Suriya ilə münasibətlərin əvvəlki dövrə qayıtması üçün şərtlərini açıqlayıb